Сертификацијата претставува постапка со која се утврдува дека производот, услугата, организацијата или поединецот ги исполнуваат барањата на релевантниот стандард. Постапката се завршува со официјална потврда – сертификат за усогласеност и со впишување на сопственикот на истиот во релевантниот регистар. Сертификацијата е официјална потврда со која телото за сертификација, по спроведената постапка на сертификација потврдува дека предметот на проверка (сертификација) е усогласен со барањата на стандардот. Откако организацијата ќе го воспостави системот или производот/услугата во согласност со барањата на некој стандард потребно е (но е и задолжително) тоа да биде потврдено од страна на независна и непристрасна организација, специјализирана за вршење на оваа дејност.
Сертификација е постапка со која третата страна дава пишано уверение дека производот, процесот или услугата се во согласност со одредени барања.
ИМС соработува со реномирани сертификациони компании (TUV Austria, Certind, Tuv Austria Hellas и др.)

ИМС организира акредитирани обуки за ISO9001; ISO14001; ISO45001; ISO27001; ISO20000; ISO50001, ISO37001, ISO22301, GDPR.
Акредитираните обуки за комплетно разбирање на стандардите за менаџмент системи со квалитет, животна средина, здравје и безбедност при работа, безбедност на информации, континуитет во бизнисот кои се шират во следниве фази: вовед во управување со менаџмент системи, меѓусебната поврзаност на стандардите за управување, разбирање на барањата на стандардите, законски и регулаторни барања, планирање и управување на ризик, оперативни активности, преглед рервизија и корективни мерки и континуирано подобрување, методи за вршење на интерен и екстерен аудит.
Обуките и практични совети им помагаат на учесниците на обуките како да се имплементира процес-базиран на менаџмент системи и да се постигне примена на ISO стандардите или други стандарди до сертификација.
Исто така обуките за компетентност, внатрешни/интерни и екстерни/водечки аудитори им помагаат на организациите во планирањето и спроведувањето на проверките, и водич на претставникот на организацијата до успешно завршена проверка.

Стандардизацијата претставува “активност на утврдување одредби за општа и повеќекратна употреба, во однос на вистински или потенцијални проблеми, со цел постигнување на оптимално ниво на уредување во даден контекст“, која вклучува процес на формулирање, издавање и примена на стандарди и тоа на национално, европско и меѓународно ниво. Резултат на стандардизацијата се стандарди како официјални документи, со барања кои се однесуваат на производ, процес во кој производот настанува или претпријатие како деловен систем основан поради вршење одредена дејност која создава вредност (производ или услуга) за пазарот (корисниците и крајните купувачи) и за сопствениците.
Стандардизацијата може да има една или повеќе цели, кои овозможуваат производите, процесите и услугите да бидат усогласени со својата намена. Општи цели на стандардизацијата може да бидат компатибилност, заменливост, намалување на бројот на варијанти, безбедност, заштита на животната средина и заштита на производот. Други цели можат да бидат и заштитата на здравјето, взаемно договарање, подобрување на економските перфоманси, отстранување на пречките во трговијата и друго.
Основен принцип на стандардизацијата е тоа што стандардите не се воспоставуваат со наредба “од горе“, туку нив ги подготвуваат засегнатите страни (индустријата, потрошувачите, органите на власта, стручните и деловни здруженија, телата за оценување на усогласеноста и други), кога истовремено постои објективна потреба од нив и желба на засегнатите страни да учествуваат во нивното формулирање. Со други зборови, стандардизација е инструмент на техно-економска саморегулација кој припаѓа на сите учесници во националната, регионалната, односно светската економија и служи за создавање јавни добра.